-- ADVERTISEMENT --
Gipasalig sa Department of Agriculture (DA) nga adunay igong suplay sa bugas sa nasud taliwala sa pagsugod sa ting-ulan sa pagsulod sa buwan sa Hunyo.
Matud ni DA spokesperson ASec. Arnel de Mesa nga base sa kataposang imbentaryo niadtong Disyembre sa miaging tuig, makita nga aduna pay igong suplay hangtod sa ting-ani atol sa lean months nga kasagaran sa tunga-tunga sa Hulyo o tunga-tunga sa Agosto.
Sa pagkakaron, ang lebel sa importasyon sa bugas alang sa buwan sa Mayo 2025 anaa na sa 1.7 milyones ngadto sa 1.9 milyones metriko tonelada.
Ang opisyal sa DA mihimo sa pasalig human opisyal nga gideklarar sa state weather bureau ang pagsugod sa Habagat season sa nasud niadtong Biyernes, Mayo 30.
