Gihatagan og bug-at nga pagtagad sa umaabot nga administrasyon ni Mayor-elect Nestor Archival ang kabahin sa blood profiling,” ngadto sa mga lumolupyo sa kinatibuk-ang 80 ka mga barangay sa Dakbayan sa Sugbo.
Mao kini ang gikabutyag ni North District Councilor-elect Nice Archival atol sa iyang pagpamulong, gahapong adlawa, Hunyo 20, 2025, sa “World Blood Donor Day” sa Cebu IT Park.
Gikabutayag sa maong konsehal nga kung ugaling mahimo na ang ilahang laraw, dili na maglisud pagpangita ang mga Sugboanon og mga “blood donors” ilabi na sa panahon sa mga emerhensya.
Dugang niya, dili lisud ang pagpangita sa mga posibling mga donors sa mga barangay, kung mahimo ang maong plano.
Usa na niini mao ang blood profiling sa kada barangay, tumong niin in case of emergency, dili na magdali-dali.
Dugang ni Councilor-elect Archival, isip mga public servants, nagtuo siya nga iyahang katungdanan ang pagsiguro nga ang donasyon sa dugo dili lang usa ka buhat sa gugmang putli, kondili isip usa ka kultura, ilabi na dinhi sa Dakbayan sa Sugbo,”
Nipadayag usab siya sa iyang interest nga makahupot og chairmanship sa mga komitiba sa edukasyon, disaster, tourism o kaha sports sa umaabot nga ika-17 nga Sangguniang Panlungsod (City Council), kung opisyal na siyang molingkod sa katungdanan karong Hunyo 1, 2025. | Bombo Irene Ardiente
