CENTRAL VISAYAS- Nipasalig sa publiko ang Philippine Coast Guard (PCG) ug Maritime Industry Authority (MARINA) sa Central Visayas sa luwas ug luwas nga pagbiyahe sa dagat sakay sa mga domestic vessel sa rehiyon.
Subay sa pagsunod sa sa ahensya ang Maritime Safety Standards nga gitakda sa International Maritime Organization (IMO), gihumug-atan niini ang pagsiguro sa mga Sistema aron malikayan ang kadaot sa gikalikupan niini.
Gipasiugdahan ni MARINA Central Visayas Supervising Maritime Industry Development Specialist Engr. Rochyl M. Villamor, ang dagkong mga gimbuhaton sa MARINA, nga naglakip sa pagdumala sa domestic shipping operations—sama sa ship registration, licensing, ug franchising—pagtakda ug pagpatuman sa maritime safety standards para sa mga barko, tripulante, ug operasyon, ug pagdumala sa pagbansay ug sertipikasyon sa mga Filipino seafarer.
Nihatag usab og bili si PCG Station Central Cebu Commander Captain Jerome Lozada kabahin sa maritime safety, law enforcement, ug environmental protection nga nagpabilin nga uyok sa mandato sa PCG, ug lakip na ang pag-awhag niini sa mga shipping companies ug mga pasahero nga magtinabangay sa pagpatuman sa safety guidelines. | Bombo Irene Ardiente
