Dako ang pagsalig ni Senador Joel Villanueva nga magpabilin si Senador Chiz Escudero isip Senate President sa 20th Congress.
Kini gumikan aduna pay igong suporta gikan sa mga kaubang senador si Escudero aron molingkod sa puwesto.
Dugang pa niya nga iyang nahinabi ang majority sa mga senador ug nipadayag sila sa ilang suporta.
Diin anaa sa 13 ka mga senador ang nipadayag sa ilang suporta kang Escudero nga magpabilin isip presidente sa Senado.
Gipadayag usab niya ang iyang suporta kang Escudero tungod sa maayong buhat nga iyang gipakita.
Gipaambit usab ni Villanueva, kinsang majority leader sa 19th Congress, nga sa pagsugod sa 20th Congress karong Hulyo, mabakante na ang tanang posisyon sa liderato sa Senado.
Gikan sa Senate president, president pro tempore, majority leader ug minority leader, adunay re-election.
