Gikompirmar sa Department of Justice nga aduna na silay ‘lead’ sa nahimutangan sa Taal Lake diin kinahanglang ipahigayon ang diving aron makit-an ang mga lawas sa mga missing sabungero.
Matud ni Justice Secretary Jesus Crispin Remulla nga aduna na silay impormasyon kalabot sa planong pagpahigayon og ‘diving operation’.
Busa, iyang gipasigarbo nga ang gihuptan nila nga lead karon maoy gamiton sa pagdeterminar sa lokasyon ug unsaon pagpahigayon sa operasyon.
Apan giangkon sa nasangpit nga kalihim nga dili kini bugalbugal tungod kay matod niya 200 kilometro kwadrado ang luna sa Taal Lake diin gidudahang gilubong ang mga biktimang sabungero.
Kahinumduman nga gibutyag ni alyas ‘Totoy’ o Julie ‘Dondon’ Patidongan ang alegasyon nga giingong gilubong sila sa usa ka bahin sa Taal Lake.
Tungod niini, gipahibalo sa Department of Justice ang ilang determinasyon sapagtino sa kamatuoran kalabot sa pagkahanaw ug pagpangita sa mga patayng lawas sa mga sabungero kon tinuod ba kini.
Gipaambit usab niini ang iyang pasalig ngadto s mga kabanay sa mga ‘missing sabungero’ nga makadawat sila sa hustisya nga angay kanila.
Diin gihimug-atan niini nga dili tugotan nga kwarta ang mopatigbabaw ug manguna sa wala pa masulbad nga kaso nga gikataho sulod sa halos upat ka tuig.
Samtang, gikompirmar usab niini nga anaa na sa proteksiyon sa Philippine National Police si Julie Patidongan, alyas “Totoy.”
Diin si PNP Chief General Nicolas Torre III mismo ang nangunay og tutok niini.
Ingon man nga suportado usab sa Witness Protection Program si alyas “Totoy.”
