Gibanhaw ni Senador Joel Villanueva ang iyang gisugyot nga Anti-Endo Bill, diin nagtumong sa pagtapos sa kontraktwalisasyon sa nasud.
Ang Security of Tenure and End of Endo (end of contract) bill maoy nag-unang prayoridad sa senador sa pagbukas sa 20th Congress niadtong Hunyo 30,2025.
Ang balaudnon nagtumong sa pag-amendar sa pipila ka probisyon sa Labor Code aron mas klaro ug mas klaro nga gidili ang “labor-only contracting (LOC)”.
Matud ni Villanueva, ang paghunong sa kontraktwalisasyon mao ang dugay na nga galanog-lanog nga sugyot sa mga mamumuo.
Tataw niya, nga ubos sa maong balaudnon, ang industry tripartite councils gihatagan usab og gahom sa pagdeterminar sa mga trabaho nga direktang may kalabotan sa nag-unang negosyo sa usa ka contractee o principal.
Busa, nanghinaot ang senador nga suportahan siya sa iyang mga kaubang magbabalaod ug sa Malacañang ang iyang balaudnon nga gisugyot alang sa dinalian nga pagpasar niini.|Bombo Irene Ardiente
