Sugdan na sa Filipina tennis star Alex Eala ang iyang preparasyon alang sa laing Grand Slam tournament, ang US Open, pinaagi sa pagsalmot sa National Bank Open sa Canada, gikan sa Hulyo 26 hangtod Agosto 7.
Ang National Bank Open usa ka Women’s Tennis Association-1000 nga lebel nga torneyo nga usa ka pagpangandam alang ni Eala subay sa pag-apil niini sa US Open, nga magsugod gikan sa Agosto 24 hangtod sa Setyembre 7.
Ang ranggo ika-56 Eala, iapil sa main draw sa National Bank Open sa pipila ka dagkong mga ngalan sa tennis nga sila si Aryna Sabalenka sa Russia, Jessica Pegula ug Coco Gauff sa US, Iga Swiatek sa Poland ug Jasmine Paolini sa Italy, ug ang tanan Top 5 Women’s Tennis Association players sa kasamtangan.
Kahinumduman nga nakaduwa na si Eala sa French Open ug Wimbledon diin napakyas siya samtang nakaabot siya sa finals sa Lexus Eastbourne Open.
Una nang niingon si Eala nga mopahuway siya sa nasod og pipila ka semana sa dili pa siya mobalik og praktis alang sa torneyo sa Canada.|Bombo Irene Ardiente
