MANDAUE CITY,CEBU- Patay ang usa ka babaye ug usa naangul human sa nahitabong aksidente sa usa ka motorsiklo ug container truck sa dalan sa D.M. Cortes Street, Barangay Cambaro, Mandaue City.
Basi sa inisyal nga imbestigasyon nasayran nga ang puti nga Sino Howo tractor head, nga gimaneho ni Teodie Punay Ycot, 36, nagpadulong sa amihanan subay sa D.M. Cortes Street sa inner lane dihang nabangga kini sa usa ka motorsiklo.
Gimaneho usab ang motorsiklo ni Roy Bontilao Borces, 34, taga Barangay San Jose, dakbayan sa Sugbo, uban sa backrider nga si Gechile Lucion Beltran, 26, sa susamang barangay.
Matod sa kapulisan nga ang motorsiklo nisuway sa pagchange lane ug miliko sa tuo nga bahin paingon sa duol nga hardware store dihang nahitabo ang bangga. Tungod sa impact niini, nalagpot sila si Borces ug Beltran sa motorsiklo ug natagak sa karsada, hinungdan nga nalatayan sa trak si Si Beltran, kinsa maoy backrider sa motor.
Gidali siya pagdala sa tambalanan ang biktima apan gideklarar kini nga dead on arrival.
Sa pikas bahin, mag-atubang ug kasong may kalapasan sa reckless imprudence resulting in homicide and damage to property ang maong truck driver. | Bombo Nathaniel Sandoval
