Nipagawas ang Manila Regional Trial Court (RTC) Branch 15 og not guilty plea sa laing kaso sa pagpatay kang kanhi Negros Oriental Representative Arnolfo “Arnie” Teves Jr.
Kini may kalambigitan sa kasong pagpatay kang kanhi board member sa ikatulong distrito sa probinsiya sa Negros Oriental nga si Michael Dungog.
Kining maong lakang sa korte tungod sa pagdumili ni Teves sa pagpasaka og plea atol sa arraignment sa iyang kaso.
Matod ni Atty. Ferdinand Topacio, legal counsel ni Teves, gikuwestiyon gihapon sa ilang kampo ang paagi sa pag-uli sa gobyerno sa Pilipinas kang Teves gikan sa Timor Leste.
Si Teves wala pa moduso og plea sa iyang kaso nga naglambigit sa illegal possession of firearms ug illegal possession of explosives ug sa kaso sa pagpatay kang Negros Oriental Governor Roel Degamo ug uban pa nga nalambigit sa pagpamusil.
Wala usab siya mosulod sa iyang posisyon sa kasong terrorism financing sa QC RTC branch 77.
