Gipadayag sa White House nga si US President Donald Trump na-diagnosed sa chronic venous insufficiency.
Matod sa press secretary nga si Karoline Leavitt, gibati sa presidente sa US ang paghubag sa iyang bitiis, mao nga gisusi siya sa iyang doktor nga si Capt. Sean Barbella.
Ang doktor naghimo sa bilateral lower extremity venous doppler ultrasounds ug nagpadayag sa chronic venous insufficiency sa 79-anyos nga US President.CUE IN: KAROLINE LEAVITT, WHITE HOUSE SEC.
Gipasabot sa doktor nga normal lang ang maong sakit sa mga tawo nga nag-edad og 70 anyos pataas.
Giklaro ni Leavitt nga ang tanang laboratory tests ni Trump naa sa normal nga limitasyon ug walay ebidensya sa deep vein thrombosis o arterial disease.
Ang chronic venous insufficiency usa ka kondisyon diin ang mga valves sa sulod sa mga ugat dili na molihok, nga maoy hinungdan sa pag-agas sa dugo.
Gibanabana nga 150,000 ka tawo sa tibuok kalibotan ang apektado sa maong sakit kada tuig, nga adunay mga simtomas lakip na ang paghubag sa ubos nga mga bitiis o ankles, kasakit o cramps sa paa, varicose veins, ug sakit sa panit, apan, mamahimo kining matambalan kung mograbe ang mga sintomas.
Subay niini, giklaro sa press secretary nga ang peklat nga nakita sa likod sa kamot sa US President tungod sa iyang kanunay nga paglamano ug paggamit sa aspirin.
