Bisan pa sa paggawas sa bagyong “Crising” sa Philippine Area of Responsibility (PAR), ang Southwest Monsoon o hanging habagat kaypadayong magdala og pag-ulan sa pipila ka bahin sa nasud.
Ang bagyong “Crising” nga padayong nagpalayo sa teritoryo sa nasod diin kini katapusang nakita sa gilay-on nga 430 km Kasadpan sa Itbayat, Batanes gawas sa PAR.
Gipaabot ang Monsoon rains sa pipila ka bahin sa Zambales, Bataan, ug Occidental Mindoro tungod sa epekto sa habagat.
Parehong weather system ang mopatigbabaw usab sa Metro Manila, Ilocos Region, Abra, Benguet, ubang bahin sa Central Luzon, CALABARZON, MIMAROPA, Bicol Region, Western Visayas, ug Negros Occidental nga nagdala ug panagsang pag-ulan.
Madag-umon nga panahon nga adunay katag-katag nga pag-ulan ug pagpanugdog-kilat ang masinati sa ubang bahin sa Luzon, Visayas, Zamboanga Peninsula, Northern Mindanao, Caraga, Lanao del Sur, ug Mindanao.
Sa pagkakaron, walay bag-o nga grabeng panahon nga nag-develop sulod o gawas sa PAR.
