Nalakip ang Sugbo sa mga probinsya sa nasud kalabot sa gidaghanun nga adunay flood control projects, diin anaa kini sa rank 4 out of 10 ka mga probinsya sa nasud,apan wala ra kini malakip sa top 10 nga mga lalawigan nga mga flood-prone, sumala sa datos nga gipagawas sa Presidential Communications Office (PCO).
Samtang sa bahin usab sa top 15 nga mga kontraktor sa nasud, nalakip niini ang QM Builders nga nakabasi sa Sugbo isip ika-upat nga kinkadak-ang kontraktor sa Pilipinas.
Basi sa National Adaptation Plan of the Philippines 2023–2050, ang Sugbo adunay 414 ka nahuman ug nagpadayon pa nga mga flood control projects gikan sa Hulyo 2022 hangtod Mayo 2025.
Ang kinatibuk-ang nationwide flood control projects niabot sa 9,885 ug nagkantidad og 545 bilyones, diin sa Bulacan nga nanguna adunay 668, Isabela-341, Pangasinan-313, Pampanga-292, Albay-273, Leyte-262, Tarlac-258, Camarines Sur-252, ug ang Ilocos Norte-224.
ng maong kasayuran, gipagawas gahapong adlawa, Lunes Agosto 11, nunot ug ubos sa kamandoan ni Presidente Ferdinand Marcos Jr. niadtong Hulyo 28, 2025 atoll sa iyahang State of the Nation Address nga nagbutyag og update kabahin sa flood control initiatives.
Apan, bisan paman nga publikong publikong ginganlan sa Presidente ang mga gidaghanon sa mga Flood control projects matag probinsya, nagdumili gihapon kini nga panganlan ang mga opisyal nga giingong nalambigit sa anomalosong flood control projects, kay matod pa niya, dili pa panahon ang paghingalan sa mga opisyal nga nalambigit niini. | Bombo Irene Ardiente
