Anti-political dynasty, lisod nga ibalaod tungod magkadugo ang anaa sa kongreso – Erwin Tulfo

Gituohan ni Senador Erwin Tulfo nga lisod ipasar ang Anti-political dynasty ang maong balaudnon tungod kay daghan usab nga mga sakop sa Kongreso ang adunay mga paryente sa politika.

Matud sa senador nga kon klaro pa nga gipasabot sa Konstitusyon kon kinsa nga mga paryente ang dili makadungan sa paglingkod sa katungdanan.

Sama sa bana ug asawa, amahan ug anak, o mga ig-agaw—mas sayon unta nga ipatuman ang pagdili.

Pagpasabot ni Atty. Christian Monsod, usa sa mga nag-umol sa 1987 Constitution, nipasabot nga gituyo kini sa mga framers nga itugyan na lang sa Kongreso ang paghatag og espisipikong depinisyon sa political dynasty.

Kini tungod kay ilang gipaabot nga molihok ang mga magbabalaod aron ipatuman ang mandato.