Ipaagi sa usa ka moratorium ang pagpatuman sa city ordinance sa dakbayan sa Mandaue sa piso per kilo nga bayad sa baligyang produktong prutas sa mga manindahay sa City Public Market.
Kini nga nasabutang desisyon tol sa pakighinabi ni Mandaue City Mayor Thadeo Jovito “Jonkie” Ouano sa mga fruit vendors sa pampublikong merkado sa syudad kagahapong adlawa sa Miyerkules, Agosto 20, 2025.
Sigon pa ni Ouano nga ipa-moratorium usa kini hangtod sa ma-amender ang City Council ang City Market Code nga kasamtangang anaa sa public hearing stage.
Dugang pa sa Mayor nga gikinahanglan nga i-amendar ang ilang market code nga competitive sa mga silingang dakbayan sa Sugbo ug Lapu-Lapu diin ang dakbayan sa Mandaue maoy adunay pinakataas nga singgil sa merkado sa ipangbagsak nga produkto.
Ingon man nga gikalipay sa mga manindahay sa prutas ang pakigtagbo sa mayor sa dakbayan kanila sa pagdungog sa ilang habig kabahin sa maong sugyot nga pag-amendar sa ordinansahon.
