Giaambit ni Indonesian President Prabowo Subianto nga ang mga partidong politikal sa nasud miuyon sa pagbawi sa pipila ka mga benepisyo ug mga pribilehiyo sa mga miyembro sa parlamento, human sa kaylap nga mga protesta nga miresulta sa pagkamatay sa lima ka mga tawo, nga giisip nga labing grabe sa mga dekada.
Nagsugod ang mga protesta niadtong Lunes batok sa giingong sobra nga sweldo ug housing allowance sa mga magbabalaod.
Nisamot ang tensyon niadtong Biyernes human napatay ang usa ka driver sa motorsiklo atol sa protesta sa kapulisan.
Daghang mga balay sa mga opisyal ug mga building sa gobyerno ang gisunog ug gitulis, hinungdan sa kaylap nga kagubot sa publiko ug pagkahugno sa stock market ug ang kantidad sa kuwarta sa Indonesia.
Matod ni Prabowo, ang mga withdrawal naglakip sa dagkong allowance sa mga magbabalaod ug mga biyahe sa gawas sa nasud.
Sa samang higayon, iyang gimandoan ang militar ug kapolisan sa hugot nga paggukod niadtong nalambigit sa bandalismo, pagpangawat, ug kagubot.
Gitawag pa niya ang pipila sa mga aksyon nga simbolo sa “terorismo” ug “pagtraydor” batok sa nasud.
Gikanselar ni Prabowo ang iyang gikatakda nga pagbisita sa China aron mamonitor ang sitwasyon.
Talagsaon usab ang paggamit sa mga ordinaryong plaka sa mga opisyal sa ilang mga salakyanan – usa ka lakang nga nagpakita aron malikayan ang kasuko sa publiko.
Samtang, nagpabiling dili klaro kung kinsa ang nagpaluyo sa kaylap nga bandalismo ug kapintasan nga nagsunod sa mga protesta.
Sumala sa mga lider sa mga estudyante, ang pagtangtang sa mga benepisyo sa mga magbabalaod dili igo, diin sila nagpahibalo nga daghang mga aksyon sa protesta ang mahimong mosunod.
