Namatyagan ang presensya sa 24 ka mga barko sa China sa Ayungin Shoal bisan sa wala pa ang posible nga resupply mission sa BRP Sierra Madre.
Ang tigpamaba sa Philippine Navy alang sa West Philippine Sea Rear Admiral Roy Vincent Trinidad nikompirmar nga upat ka mga barko sa Chinese Coast Guard ug 20 ka Chinese maritime militia vessels ang nakit-an sa maong lugar kagahapon, Septiyembre 4.
Matod niya nga kaniadto upat ra ka maritime militia ug duha ka mga barko sa Coast Guard ang naa sa lugar nga lagmit tungod sa dili maayo nga kahimtang sa panahon apan sa niaging upat o lima ka adlaw, kapin sa 20 ka mga barko sa China ang nakit-an.
Apan, ang opisyal sa Navy nagdumili sa paghatag og mga detalye sa sunod nga resupply mission sa BRP Sierra Madre apan niinsister nga dili mapasagdan ang panginahanglan sa mga sundalo nga nadestino sa outpost sa WPS, ug matod niya nga ang mga detalye sa sunod nga rotation and resupply (RORE) mission nagdepende sa commander sa Western Command.
Tataw ni Rear Trinidad, ang katapusang resupply mission sa BRP Sierra Madre gipahigayon niadtong pang buwan sa Hulyo.
