Giklaro sa Bagong Alyansang Makabayan Central Visayas nga ang ilang organisasyon kay wala nanawagan nga palagputon ang kasamtangang presidente nga si Ferdinand Marcos Jr. ug ihulip ang ikaduhang presidente nga si Sara Duterte.
Mao kini ang gipaambit ni Jaime Paglinawan, ang Chairman sa Bayan Central Visayas atol sa pakighinabi sa Bombo Radyo Newsteam nga ag ilang gipunting sa ilang pagpahigayon og rally aron ipadayag ang ilang kasuko ug kasagmuyo sa tanang isyu kalabot sa korapsyon sa gobyerno.
Dugang pa niini nga panahon na nga dili lang taman sa pagkondinar ang buhatan sa katawhan inay kinahanglan na nga hatagan og aksyon aron hingpit na kini nga matuldukan.
Ingon man nga dili igo nga mag-dependi ang publiko sa gitukod ni Marcos nga Independent Commission for Infrastructure, aduna pa’y imbistigasyon sa Senado ug lower house nga tataw nga alang lang sa kaayuhan sa kanila.
Busa, gidasig niini ang tanan nga mosalmot sa ilang kalihokan karong umaabot nga Setyembre 21, 2025, adlaw nga domingo aron ipaabot ang tingog sa mga giabuso ug naapektuhan sa dili maayo nga pagdumala.
