Nangandam na karon ang National Bureau of Investigation (NBI) og mga reklamo alang sa ‘malversation of public funds’ ug ‘indirect bribery.’
Kini batok sa mga opisyal nga gilambigit ni kanhi DPWH Undersecretary Roberto Bernardo sa Senate Blue Ribbon Committee hearing.
Matod ni Justice Sec. Jesus Crispin “Boying” Remulla nga ang tanang gitumbok ni Bernardo atol sa pagdungog sa Senado kay girekomendar sa NBI nga pasakaan og kaso.
Kini nunot sa gipanumpaan nga pamahayag ni Bernardo ngadto sa DOJ kalabot sa iyang nahibaw-an kalabot sa mga malimbungon nga flood control projects.
Lakip sa gitumbok ni Bernardo mao sila si Sen. Francis “Chiz” Escudero, kanhi Sen. Nancy Binay, kanhi Sen. Ramon “Bong” Revilla, ug Ako Bicol Party-list Rep. Elzaldy “Zaldy” Co.
