Ghana, gidili na ang boxing human namatay ang usa ka boksidor

Temporaryong gidili ang sports nga boxing sa nasud nga Ghana.

Kini human namatay ang usa ka boksidor atol sa away sa Acora.

Si Ernest Akushey, nailhan usab nga Bahubali, namatay sa edad nga 32-anyos, 11 ka adlaw human gidala sa tambalanan.

Ingon man nga bisan wala pa nahibaw-an ang hinungdan sa kamatayon, apan gituohan nga internal injuries sa ulo ang rason niini.

Nakigsangka kini kang Jacob Dickson sa Bukom Boxing Arena sa Ghana niadtong Setyembre 12.

Matod sa National Sports Authority of Ghana, ang pagsuspenso alang usab sa pagpanalipod sa mga boksidor ug aron mapanalipdan ang integridad sa duwa.

Kini ang ikaduhang insidente diin usa ka boksidor ang namatay, ang una mao si Gabriel Oluwasegun Olanrewaju niadtong Marso.