Gipahibalo sa White House nga magsugod na ang daghang pagtangtang sa mga empleyado sa pederal nga gobyerno sulod sa sunod nga duha ka adlaw, subay sa ilang giingon nga “budgetary constraints” ug reorganisasyon sa mga ahensya.
Kini nunot sa pagsira sa gobyerno niadtong Miyerkules, Oktubre 1, human ang Kongreso napakyas sa pag-uyon sa bag-ong speding plan sa wala pa ang deadline.
Ang Senado sa US mopaundang usab, nga magpataas sa mga kabalaka bahin sa posibleng pagkawala sa gatusan ka libo nga mga trabaho ingon man ang posibilidad nga mawad-an og bilyon-bilyon nga kantidad sa ekonomiya sa US.
Ang ubang mga analista naglaum nga ang kasamtangan nga pagsira adunay mas dako nga epekto kaysa niadtong 2018.
Kutob sa 40% sa mga federal workers o 750,000 ka mga indibidwal ang mamahimong ibutang sa temporary leave.
Kaniadtong Miyerkules, daghang mga trabahante ang gi-furlough o gisuspinde, apan gihulga sa administrasyong Trump nga permanente nga tangtangon ang mga federal workers.
Samtang sa pikas bahin, laing botasyon ang gipaabot karong Biyernes, Oktubre 3, alang sa hamubo nga termino nga balaudnon sa pagpondo nga gisugyot sa mga Republicans.
