-- ADVERTISEMENT --
Mipadayag sa iyang pahasubog ug gilakip pa sa pagsaysay sa misa sa Vatican City niadtong Dominggo, Oktubre 5 ni Pope Leo XIV ang biktima sa linog sa Sugbo.
Gisaysay sa Santo Papa ang iyang kasuod sa Pilipinas ilabi na sa Sugbo kinsa niadtong mga panahon kay nakabisita siya sa wala pa madestino sa South America isip Arsobispo ug Cardinal.
Giapil sa pag-ampo atol sa Angelus sa St. Peter’s Square ang biktima sa katalagman sa lalawigan atol sa selebrasyon sa Jubilee of Migrants and Missionaries.
Kahinumduman nga niadtong Septiyembre 30, 2025 sa takna alas 9:59 sa kagabhion kay giuyog sa 6.9 magnitude nga linog ang Sugbo nga nanukad sa bag-ong Bogo Bay Fault Line ang episentro sa linog sa Dakbayan sa Bogo, amihanang lalawigan.
