Gihagit ni kanhi Ilocos Sur Governor Luis “Chavit” Singson ang Malacañang nga mosulti lang og mga tinuod.
Kini may kalambigitan sa mga isyu nga gilabay batok kaniya sama sa jueteng ug sa iyang interes nga mahimong opisyal sa Philippine Charity Sweepstakes Office.
Matod ni Singson, ang migawas nga balita kay buhat sa mga troll sa kasamtangang administrasyon.
Ingon man nga bisan kaniadto pa kay iya na kining natubang ang mga pasangil nga siya ang utok sa ilegal nga jueteng.
Gihimakak usab niya nga interesado siya nga mahimong opisyal sa PCSO bisan pa man nga gitanyagan siya sa maong posisyon kaniadto.
Tungod niini, iyang gisaway si Palace Spokesperson Claire Castro ug gihinganlan kini niya og ‘attack dog’ diin nagpasabot nga kon asa ang kwarta, didto kini mopaghot.
