Mitabang ang mga personahe sa Bureau of Fire Protection (BFP) ug mga residente sa sa pagpatukod og mga tent sa pamilya sa Department of Social Welfare and Development (DSWD) sa Municipal Park sa Barangay Central, Tarragona, Davao Oriental, alang sa mga pamilyang naapektuhan sa bag-o lang nga magnitude 7.4 nga linog.
Kini nga mga tolda magsilbi nga temporaryong puy-anan sa mga bakwit samtang nagpadayon ang pagtubag ug mga paningkamot sa pagbarug pagbalik human sa katalagman.
Personal usab nga gibisita sa mga representante sa DSWD Field Office XI ang matag tent aron masiguro ang kaluwasan sa mga pamilya ug masiguro nga matubag ang ilang dinaliang panginahanglan.
Gitukod usab ang Women-Friendly Space (WFS) aron mahatagan ug luwas nga lugar ang kababayen-an ug kabatan-onan nga apektado sa kalamidad.
Samtang, nisaka ngadto sa unom ang ihap sa nangamatay sa magnitude 7.4 nga linog nga niigo sa Manay, Davao Oriental.
Basi sa datus sa Office of the Civil Defense (OCD), tulo ka tawo ang namatay sa Mati City, Davao Oriental; duha sa Pantukan, Davao de Oro.
Natala usab sa Davao City ang 80-anyos nga lalaki human kini naigo sa nahugno nga paril sa Barangay Tomas Monteverde.
