Gitun-an sa mga awtoridad sa panalapi sa Pilipinas ang sugyot nga i-demonetize ang PHP500 ug PHP1,000 nga mga kwarta isip lakang aron mapugngan kini nga gamiton sa mga ilegal nga kalihokan.
Sa usa ka briefing niadtong Lunes, si Bangko Sentral ng Pilipinas (BSP) Governor Eli Remolona nitawag sa sugyot ni kanhi Finance chief Cesar Purisima nga usa ka “tantalizing proposal.”
Ang sugyot ni Purisima gihimo human kini gibutyag atol sa sunodsunod nga mga pagdungog sa Senado nga mokabat sa usa ka bilyon nga kantidad sa mas taas nga denominasyon sa mga kwartang papel nga gi-isyu sa BSP ang gibutang sa daghang maleta ug giingong gihatud gamit ang daghang mga van ngadto kang Ako Bicol Partylist Rep. Zaldy Co subay sa ghost flood control projects ubos sa Department of Public Works and Highways.
Sa pagkakaron, ang kadagkoan sa BSP niingon nga ilang gikinahanglan ang mga bangko nga i-report sa central bank ang bisan unsang transaksyon nga naglambigit og P500,000 o labaw pa, ubos sa covered transaction report (CTR).
