Rafah Crossing, gikatakda nga ablihan sa umaabot nga mga adlaw

Gikatakda nga ablihan sa Domingo ang Rafah crossing tali sa Gaza ug Egypt.

Matod ni Israeli Foreign Minister Gideon Saar, nangandam na sila alang sa pag-abli niini.

Ang pag-abli nahitabo human gipatuman ang ceasefire deal tali sa Israel ug Hamas.

Sukad nga gipakusog sa Israel ang mga pag-atake niini sa Gaza, ilang gisirhan ang Rafah Crossings.

Ang United Nations nabalaka bahin sa pagsira sa Rafah Crossings tungod kay ang mga trak nga nagdala og pagkaon ug tabang sa mga Palestinian sa Gaza moagi sa naasoy nga dapit.