-- ADVERTISEMENT --
Magpabilin sa kustodiya sa Senado si Pacifico “Curlee” Discaya II human gibasura sa Pasay City Regional Trial Court Branch 498 ang habeas corpus petition sa iyang kampo.
Matod sa korte, walay igong ebidensiya nga makapakita nga nakahimo ang Senado og grabeng pag-abuso sa discretion sa pagtanggong kang Discaya.
Kini ang gikompirmar sa iyang abogado nga si Atty. Cornelio Samaniego III, kinsa niingon nga ila pang gitinguha nga makuha ang opisyal nga kopya sa desisyon.
Kahinumduman nga gi-contempt sa Senado si Discaya niadtong Septiyembre 18 human kini giingong namakak atol sa hearing sa Blue Ribbon Committee kalabot sa mga iregularidad sa mga flood control projects.
Gitataw sa Senado nga lehitimo ug subay sa Konstitusyon ang ilang aksyon.
-- ADVERTISEMENT --
