Gipahigayon sa Cebu City Police Office (CCPO) ubos sa liderato ni Acting City Director PCOL Enrico Evangelista Figueroa ang usa ka Strategic Coordination Meeting nunot sa nagkaduol na nga Kalag-Kalag 2025, aron planohan sa pagpa-deploy sa mga kapulisan aron sa pag-andam sa seguridad.
Nipartisipar usab sa maong meeting ang mga Station Commander, Quad Staff, City Mobile Force Company, Traffic Enforcement Unit, ug mga representante sa Cebu City Government ug Armed Forces of the Philippines, samtang ang uban anaa sa online nisalmot. Ang uban nga dili makasalmot personal mitambong pinaagi sa online platform aron masiguro ang kumpletong partisipasyon.
Dugang niini, nahisgutan sa maong panagtapok ang mga importante nga isyu sama sa seguridad ug crowd control sa mga sementeryo, pagdumala sa trapiko, dugang presensya sa kapulisan sa mga pampublikong lugar, ug pakig-alayon sa mga lokal nga kagamhanan ug partner agencies, aron sa pagsiguro sa kalinaw atol sa kalag-kalag.
Sa pikas bahin, nagpahinomdom usab si PCOL Figueroa ngadto sa tanang station commanders nga magpabilin nga andam, mabinantayon, ug propesyonal, ug nagmando siguruhon ang igo nga pagdeploy sa mga personnel, pagbutang og mga strategic checkpoint, ug pag-andam sa mga response team aron makasiguro sa paspas nga aksyon kon adunay emerhensiya.
Gipagawas usab sa CCPO ang klarong operational guidelines nga naglakip sa deployment coverage, checkpoint operations, ug real-time monitoring aron mapangandaman ang posibleng pagsaka sa kadaghan sa tawo sa mga sementeryo ug transport hubs.
