Nagpahigayon ang milyon-milyon nga mga tawo og lihok protesta sa kadalanan sa 50 ka estado sa Amerika aron ipakita ang ilang pagsupak sa administrasyon ni Presidente Donald Trump.
Nagkahiusa sila sa ilang panawagan nga walay mahimong “hari” sa Estados Unidos.
Lakio sa mga nakisalmot sa kalihokan ug namulong ang pipila ka politiko sama nila ni Democratic Senators Chuck Schumer, Chris Murphy, ug Cory Booker.
Mainitong gidawat ni Senador Bernie Sanders ang kusog nga pag-abiba ug pakpak sa dihang nisaka kini sa stage aron mamulong sa usa ka rally sa Washington, D.C.
Ingon man nga gilaumang minilyon pa ang moapil sa labaw sa 2,700 nga mga lokasyon – gikan sa gagmay nga mga lungsod hangtod sa dagkong mga lungsod – nga nagpakita sa usa ka mas lapad ug mas desentralisado nga kalihukang protesta nga anti-Trump, nga sa sinugdan nagpunting sa mga demonstrasyon sa Washington, D.C. sa iyang unang termino isip presidente.
