-- ADVERTISEMENT --
Nagkasabot sa immediate ceasefire ang Afghanistan ug Pakistan human sa peace talks niini sa Doha sa Qatar human sa semanang panagbangi sa may utlanan niini.
Sumala pa sa post ni Pakistan Defense Minister Khawaja Muhammad Asif nga ang kasabutan nila sa ceasefire tali sa Afghan Taliban kay na-finalized na niadtong Dominggo, Oktubre 19.
Dugang niini nga magtagbo sila pagbalik sa Oktubre 25 ngadto sa Istanbul sa Turkiye aron hisgutan ang dugang detalye sa kasabutang kalinaw.
Ang foreign ministry sa Qatar kinsa maoy nagpatunga sa maong panagsabot kay nakigdayalogo na sa Turkiye aron ilatid ang mga follow-up meetings aron masiguro ang kamalungtaron sa ceasefire ug masigurong maimplementar kini sa masaligon paagi.
