Gipasanginlan ni Presidente Nicolas Maduro sa Venezuela ang Estados Unidos sa pag-imbento og usa ka walay katapusan nga gubat o “eternal war” human gimando ang pagpadala sa pinakadako nga barkong panggubatan sa kalibutan, ang USS Gerard R Ford, ngadto sa Caribbean.
Kini kabahin sa gubat sa US batok sa mga tigpayuhot og droga sa rehiyon.
Gisultihan sa Presidente sa Venezuela ang state media niini nga ang Estados Unidos misaad nga dili moapil sa usa ka gubat apan nagmugna hinuon og usa.
Gihimo ni Maduro ang pamahayag human nga balik-balik nga gipasabot ni Presidente Donald Trump sa US ang posibilidad sa iyang gitawag nga “land action” sa Venezuela tungod kay kontrolado na nila ang dagat.
Gikataho nga gikonsiderar ni Trump ang pag-target sa mga pasilidad sa cocaine ug mga ruta sa pagpayuhot og droga sulod sa Venezuela apan wala pa siyay katapusang desisyon niini.
Giakusahan kaniadto ni Trump si Maduro nga lider sa usa ka organisasyon sa pagpayuhot og droga, nga gihimakak sa Presidente sa Venezuela. Wala giila sa US si Maduro isip lehitimong lider sa Venezuela tungod kay ang eleksyon sa 2024 kaylap nga giisip nga dili gawasnon ug dili patas.
