Magdeploy og dul-an 500 ka mga personahe sa Lapu-Lapu City Police Office, ug sugdan na kini ugmang adlawa, Oktobre 29, 2025, nunot sa nagkaduol na ang adlaw sa mga patay.
Ang maong gidaghanon sa maong mga personahe gilangkoban kini sa mga task multipliers sa Lapu-Lapu City Police Office.
Ingun man ang sakop sa BFP, LGU, ug uban pang nagkadaiyang buhatan aron masiguro ang kahapsay sa umaabot nga kalag-kalag.
Lakip kini sa gikabutyag ni PLTCOL. Christian Torres ang tigpamaba sa LCPO nga hugot na ang ilang pagpangandam sa siguridad ilabi na nga sugdan na gayud ugma ang pagpakatap niadtong mga personahe sa matag sam-ang ug terminal sa Lapu-Lapu.
Gipahibalo usab sa LCPO nga adunay pipila ka mga pambulikong kadalanan nga posibleng sirad-an atol na sa kalag-kalag.
