Gipatung-an sa kapulisan sa Wuhu, Anhui Province sa China ang lalis sa managtiayon kabahin sa daw pagpasangil sa asawa nga nangabit iyang bana human gitambagan kini sa usa ka fortune teller kun manghuhula/mananagna.
Niadtong Oktubre, usa ka lalaki ang mitugyan sa police station sa Wuhi aron ireklamo iyang asawa sa permenting pagpang-harass kaniya human sa daw online fortune-telling session.
Human mibayad og 500 yuan ($70) aron paminawon ang panagna sa maong online manghuhula sa pangutanang adunay bay laing ka-ismiringhoy iyang bana sa akusasyong suki kini og hotel aron makig-check in ug ubang babaye o di ba kaha magbayad og burikat.
Kini ang gikahibong sa maong bana kung asa naggikan ang pasangil sa iyang darling og misuway pa og pagpasabot nga miyembro kini sa “loyalista sa hinigugma”.
Apan sa pagkahibalo nga ang iyang asawa nanukad ang pasangil gikan lang sa prediksyon kunuhay sa mananagna kay gi-report dayon kini niya sa kapulisan.
