Nagpasidaan ang Philippine Atmospheric Geophysical and Astronomical Services Administration (PAGASA) sa posibilidad sa lahar flow duol sa Bulkang Kanlaon.
Kini nahitabo dungan sa kusog nga ulan nga dala sa Bagyong Tino nga naghulga sa dakong bahin sa Kabisay-an.
Base sa impormasyon nga gipagawas sa weather bureau, ang pagkaladlad sa kusog ug padayon nga pag-ulan mahimong hinungdan sa pag-agos sa lahar, dili lamang sa mga bakilid sa bulkan, apan lakip usab sa mga komunidad nga direktang nag-atubang niini.
Giingon nga kini mahimong moagos sa habagatan ug kasadpang mga bakilid sa Bulkang Kanlaon ang lahar flow.
Gipasiugda sa weather bureau nga ang gidaghanon sa pyroclastic density current (PDC) nga mga deposito sa bakilid sa bulkan taas tungod sa sunod-sunod nga pagbuga sa abo.
Giingon nga ang init nga lahar o sediment-laden streamflow mahimong masinati sa Tamburong/Ibid Creek sa Biak-na-Bato; Baji-Baji Falls ug Talaptapan Creek sa Cabacungan, La Castellana, Negros Occidental.
Apil usab niini ang mga drainage nga konektado sa mga gullies diin kaniadto gilabay ang mga PDC materials.
Tungod niini, ang publiko giandam alang sa posibilidad sa hinanaling pagbakwit, samtang ang mga residente gitambagan usab nga likayan ang pag-agi sa mga imburnal, kanal, ug uban pa nga mahimong agianan sa lahar.
