Abli ang mga Simbahan nga ubos sa Archdiocese of Cebu sa pag-akomodar sa mga tawo nga naapektuhan sa Bagyong Tino.
Kini ang gipahibalo ni Cebu Archbishop Alberto Uy, diin iyang gimandoan ang tanang mga pari nga ablihan ang mga simbahan sulod sa archdiocese isip mga kapasilongan alang sa mga nangita og kapasilongan atol sa bagyo.
Apan, iyang gipunting nga ang mga simbahan lamang nga wala madaot sa bag-ohay lang nga linog ang dawaton isip temporaryong puy-an sa mga bakwit.
Subay niini, gihangyo sa Arsobispo nga mag-ampo ang katawhan ug mag-amping kanunay.
Sa pagkakaron, mihuyang na ang Bagyong Tino, apan nagpadayon gihapon ang hulga sa Kasadpang Kabisay-an ug Rehiyon sa Isla sa Negros.
Ingon man nga gilauman nga magpabilin sa kategorya sa bagyo sa tibuok nga pag-agi niini sa nasud ug gilauman nga mokusog pag-usab sa West Philippine Sea.
