Giangkon ni Kris Aquino nga grabe ang iyang sakit sa bukog karong tugnaw sng panahon, samtang giangkon usab niya nga misulay siya og bag-ong tambal apan miingon nga dili kini para niya.
Sa iyang Instagram post niadtong Nobyembre 5, gipaambit sa “Queen of All Media” nga ang bag-ong tambal nga girekomenda kaniya aron mahupay ang sakit nga gipahinabo sa fibromyalgia, usa sa 11 ka autoimmune disease sa aktres, kay wala mo-epekto.
Nahisgotan usab sa TV host-actress ang usa ka lalaki nga iyang kauban sa pagsugod sa tuig nga gituohan nga si Dr. Mike Padlan, ang iyang kanhing uyab ug kanhing doktor samtang nagpatambal siya sa California, nga gituohang nagtapos sa ilang relasyon sa sayo pa ning tuiga.
Sa pagkakaron, anaa pa si Kris sa Tarlac uban sa iyang mga anak nga sila si Josh ug Bimby, diin sila busy sa pagpuyo og yano nga kinabuhi.
