Gitugyan na sa Palasyo sa Malacañang kang Department of the Interior and Local Government (DILG) Secretary Jonvic Remulla ang desisyon sa disposisyon sa mga opisyal sa lokal nga gobyerno nga misupak sa mando nga dili mobiya sa nasud.
Kini aron dali nga matubag ang ilang mga konstituwente nga biktima sa mga kalamidad.
Sumala ni Palace Press Officer USec. Claire Castro, dili dayon maingon nga sad-an ang mga opisyal nga nagpadayon sa pagbiyahe sa gawas sa nasud bisan pa sa memo nga gi-isyu sa DILG batok niini.
Dugang ni Castro nga kinahanglan una nga tun-an kung unsa ang tinuod nga katuyoan sa mga opisyal sa ilang biyahe ug kung nakaapekto ba kini sa dali nga aksyon alang sa mga biktima sa mga kalamidad.
Dugang sa opisyal nga anaa ra sa mga opisyal ang pagpasabot kang Secretary Remulla ug kung unsa ang desisyon sa kalihim bahin niini.
