Pormal nga gihangyo sa legal team ni kanhi President Rodrigo Duterte sa International Criminal Court (ICC) ang iyang hinanali ug walay kondisyon nga pagpagawas ug ang paghunong sa tanang nagpadayon nga mga proseso batok kaniya.
Niadtong Nobyembre 14, 2025, ang depensa nagsang-at og 21 ka pahina nga “Appeal Brief on Jurisdiction” sa Appeals Chamber, nga nagkuwestiyon sa desisyon sa Pre-Trial Chamber I niadtong Oktubre 23, 2025.
Sa maong desisyon, gipadayon sa ICC ang hurisdiksyon niini sa pagpadayon sa kaso batok kang Duterte.
Gipahayag sa depensa nga ang ICC nakahimo og seryosong mga sayop sa balaod sa maong desisyon, ug gipadayon nga nawad-an kini og hurisdiksyon human pormal nga miatras ang Pilipinas gikan sa ICC.
Ang Panel gimandoan nga isumite ang ilang report, hiniusa man o indibidwal, ngadto sa Registry sa o sa dili pa ang Disyembre 5, 2025.
Kung diin, ang depensa, prosekusyon, ug ang Office of Public Counsel for Victims (OPCV) gimandoan usab nga mohatag sa ilang tagsa-tagsa ka obserbasyon sa report sa Panel sa o sa dili pa ang Disyembre 12, 2025.
