Gadon, gisaway si Sen.Imee sa mga pasabog niini kabahin sa iyang igsuong presidente

Gisaway ni Presidential Adviser on Poverty Alleviation Larry Gadon ang gibutyag ni Senador Imee Marcos nga ang igsoon ni Presidente Ferdinand Bongbong Marcos Jr. naggamit og ilegal nga droga.

Matod niya nga ang gibutyag sa senador dili lang makadaot sa iyang igsoon apan sa tibuok pamilyang Marcos.

Miingon usab siya nga ang makabenepisyo sa gibutyag sa Senador mao ang pamilyang Duterte.

Miingon usab siya nga ang gibuhat sa senador usa usab ka politikal nga buhat tungod sa iyang plano nga modagan pagka-bise presidente kung modagan si Bise Presidente Sara Duterte pagka-presidente sa eleksyon sa 2028.

Gibutyag sa Senador atol sa usa ka panagtapok sa Iglesia Ni Cristo nga ang iyang igsoon naggamit og droga.