246 ka mga pasahero sa barko sa South Korea, naluwas human nasangad ang barkong gisakyan

Naluwas ang tanang 246 ka pasahero sa usa ka South Korean passenger ferry human kini nasangad sa dagat.

Ang South Korean Coast Guard miingon nga ang Queen Jenuvia 2 ferry nasadsad sa usa ka coral reef ug dili na makalihok.

Nahitabo ang insidente duol sa Jangsan Island sa Sinan County sa maogn nasud.

Lima ka pasahero ang nakaangkon og gagmayng mga samad tungod sa pagkasangad sa barko.

Gimando ni South Korean Prime Minister Kim Min-seok nga gamiton ang tanang mga sakayang pandagat aron sa pagluwas sa mga pasahero.

Ang 26,000-tons ferry gikan sa resort island sa Jeju ug padulong sa Mokpo City.