Gisuportahan sa Presidente sa Russia nga si Vladimir Putin ang kasabutan sa ceasefire nga gipasiugda sa US aron tapuson ang gubat tali nila ug sa Ukraine.
Sumala sa Presidente sa Russia, mahimo kining usa ka paagi aron mahuman ang peace settlement.
Una niini, ang Ukrainian President nga si Volodymyr Zelensky miingon nga si US President Donald Trump naghatag kaniya hangtod sa Huwebes sa sunod semana aron makadesisyon kung dawaton ba ang plano sa ceasefire.
Dugang pa niya nga nag-atubang siya karon og hagit tungod kay basin mawad-an siya sa iyang kaalyado nga US o sa iyang dignidad.
Nagpadayon usab si Zelensky sa pagpakigsulti sa mga opisyal sa White House bahin sa pagpauswag sa kasabutan sa ceasefire.
Gidugang niini nga lakip sa 28-point peace plan sa US mao ang pagtugyan sa Ukraine sa pipila nila ka teritoryo ngadto sa Russia ug ang pagbakwi sa ilang membership sa North Atlantic Treaty Organization (NATO).
