Giaprobahan sa mga awtoridad sa Brazil niadtong Miyerkules, Nobyembre 26, ang unang single-dose nga bakuna sa dengue nga adunay 91.6% nga kaepektibo batok sa severe dengue.
Ang bakuna, nga ginganlan og “Butantan-DV,” sunod sa nag-develop niini, ang Butantan Institute, gihimo human sa walo ka tuig nga mga clinical trial sa Brazil. Ang bakuna gilauman nga mag-abli sa dalan alang sa mas paspas ug mas simple nga mga kampanya sa pagbakuna.
Sumala ni Esper Kallas, ang direktor sa Butantan Institute, ang single-dose nga bakuna sa dengue usa ka makasaysayanong kalampusan alang sa siyensya ug kahimsog sa Brazil. Dugang niya nga ang usa ka sakit nga nagpalisod sa mga tawo sulod sa mga dekada mahimo na karon nga makigbatokan gamit ang usa ka gamhanang hinagiban.
Giaprobahan usab sa Health Regulatory Agency o ANVISA sa Brazil ang paggamit sa Butantan-DV alang sa mga tawo nga nag-edad og 12 hangtod 59.
Samtang, sa pagkakaron, ang bakuna nga TAK-003 mao lamang ang magamit nga bakuna batok sa dengue sa tibuok kalibutan. Nagkinahanglan kini og duha ka doses nga tulo ka bulan ang gilay-on, sumala sa World Health Organization (WHO).
