Gidakop sa mga awtoridad sa Hong Kong ang walo ka indibidwal sa nagpadayon nga imbestigasyon sa dakong sunog nga nahitabo sa Wang Fuk Court, usa ka housing complex.
Ang mga nadakpan naglakip sa duha ka direktor sa usa ka consultancy firm nga naghatag og mga notice alang sa mga trabaho sa maintenance sa site, duha ka project manager nga nagdumala sa trabaho, tulo ka scaffolding subcontractor ug usa ka mediator.
Una na nga gidakop ang duha ka company directors ug usa ka consultant, apan gibuhian sa ulahi ug gibalik sa mga awtoridad alang sa dugang nga imbestigasyon.
Sa pagkakaron, anaa na sa 128 ka tawo ang gikumpirma nga patay samtang kapin sa 200 ang nawala pa.
Ang matag pamilya sa namatay makadawat og $25,700 o anaa sa kapin sa P1.5 milyon samtang ang mga apektadong balay makadawat og hapit P400,000.
Giimbestigahan pa sa mga awtoridad sa Hong Kong kung giunsa pagsugod ang sunog, nga milungtad og kapin sa duha ka adlaw aron hingpit nga mapalong.
