Giaprobahan na sa Mandaue City Council ang tinuig nga budget sa Dakbayan alang sa tuig 2026.
Lakip sa mga nag-unang prayoridad alang sa sunod tuig mao ang digitalization sa mga serbisyo sa frontline, sugod una sa Assessor’s Office, gisundan sa pagpatuman sa usa ka citywide ID system.
Hatagan usab og pagtagad ang pag-improbar alang sa Pajara Park, mga proyekto sa pagdumala sa baha, ug uban pang mga programa sa siyudad ang gilakip usab sa alokasyon.
Gihimug-atan niini nga ang Dakbayan sa Mandaue mahimong usa sa mga unang lokal nga gobyerno sa rehiyon nga maaprobahan ang badyet niini alang sa sunod tuig.
Gipasiugda usab ni Malig-on nga ang ang budget allocation nagpabilin nga susama karong tuiga, base usab sa historical performance sa siyudad. Ang siyudad nagtumong sa P4.5-bilyon nga koleksyon alang sa 2026.
Matud usab niini nga ang hapsay nga pag-aprubar sa budget tungod sa transparency sa proseso.
Matod niini nga ang kagamhanan sa dakbayan nagpabilin nga masaligon sa pagpadayon samtang ang badyet sa 2026 nagtakda sa direksyon alang sa padayon nga mga programa ug kalamboan sa Dakbayan sa Mandaue.
Samtang sa pikas bahin, gibutyag usab ni Malig-on nga aduna pay laing madawatan nga performance bunos ug insentives ang mga regular employees sa kagamhanan.
Lakip na usab nga makadawat ug 5,000 ang mga Job Order Employees samtang, 2,800 alang sa mga BHW ug Clean and Green Employees.
Apan giklaro niini nga kinahanglan kining aprobahan sa konseho.
