Nakadawat og nasudnong pasidungog ang Cebu City Medical Center atol sa nahitabong 2025 Green and Safe Health Facilities Recognition nga gipahigayon sa Sta. Cruz, Manila.
Nakadawat ang pampublikong tambalanan sa dakbayan sa Plaque of Recognition isip 3-Green Star Rating award nga gikan sa Department of Health – Health Facility Development Bureau.
Bugtong nga ang CCMC lang LGU hospital sa Central Visayas nga nalakip sa 3-star category nga nagtimaan sa katanyag niini.
Ang 3-Green Star Rating kay usa ka prestihiyosong pasidungog gikan sa kaulohan nga gitanyag sa mga pasilidad sa serbisyong panglawas nga nagpakita og exceptional compliance sa sustainable, safe, ug environmentally responsible healthcare systems.
Gihangop sa Kagamhanang Dakbayan sa Sugbo ang maong kalampusan sa CCMC sa dedikasyon niining palambuon ang serbisyo samtang nagsuporta sa green and safe facility standards.
