Mibotar ang usa ka taas nga ranggo sa komisyon sa Vatican batok sa pagtugot sa mga kababayen-an nga mahimong mga deacon sa Simbahang Katoliko.
Basi kini sa taho nga gisumiter kang Pope Leo XIV nga gipagawas niadtong Disyembre 4, 2025.
Sa boto nga 7-1, ang komisyon miingon nga ang mga pagtuon sa kasaysayan ug teolohikal kay wala magtugot sa mga babaye nga ordinahan isip mga deacon niining panahona, apan girekomendar gihapon ang dugang nga pagtuon.
Kini ang unang boto nga gipagawas sa Batikano sa mga resulta sa duha ka komisyon nga gitukod ni anhing Pope Francis aron tun-an ang posibilidad sa mga babaye nga mga deacon.
Dili sama sa mga pari, ang mga deacon gi-orden apan wala magsaulog sa Misa.
Bisan tuod gidili ni Pope John Paul II ang mga babaye sa pagkapari niadtong 1994, wala niini gitataw nga gihisgutan ang isyu sa mga babaye nga mga deacon.
Gipunting sa mga tigpasiugda nga adunay ebidensya nga ang mga babaye nagserbisyo isip mga diakono sa unang siglo sa Simbahan, lakip na si Phoebe, nga gihisgutan ni San Pablo sa Bag-ong Tipan.
