Anaa sa gatusan ka mga pasaherong na-stranded gikan sa ilang mga gikatakdang byahe sa sakayang barko gikan sa mga pantalan sa Sugbo ang kasamtangang gipahimutang sa Barangay Tinago Gym karong adlaw sa Biyernes, Disyembre 5.
Kini ang nasuta sa Bombo Radyo Cebu News Team atol sa abiso sa PH Coast Guard sa pag-suspenso sa byaheng pandagat tungod na sa epekto sa nagsingabot nga bagyong WILMA diin ang mga pagbalod sa kadagatan kay dili luwas sa paglawig.
Gani sa pakigsuta sa atong tigbalita kay nasayran ang kalisud sa kahimtang sa mga stranded nga mga pasahero tungod sa suspensyon sa byahe.
Sumala pa sa pipila nga pagkaon ug tarong nga kahegdaan ang ilang giproblema karon tungod sa kalit nga kasayuran sa suspensyon sa ilang mga byahe sukad pa niadtong Huwebes sa hapon.
Sa laing bahin ang Cebu Port Authority sumala sa pinakaulahing abiso niini nga ang mga kanseladong byahe kay ang mga byaheng Sugbo padulong sa mga musunod:
Tagbilaran, Getafe, Ormoc, Maasin-Surigao, Consuelo, Bulado Guihulngan, Catagbakan Loon, Olango Angasil, Kawit ug pa-Hagnaya nga gikan sa mga nagkadaiyang shipping lines.
