Padayun pa gihapon ang pagpanghatag sa kagamhanan sa dakbayan sa Sugbo og mga hinabang, alang sa mga na stranded nga mga pasahero nga nahimutang sa Barangay Tinago gym, human na stranded sa tungod sa Tropical Depression Wilma.
Gibisita ni Cebu City Mayor Nestor Archival Sr. ang temporaryong gipasilungan sa mga naapektohan diin moabot sa 211 ka mga indibidwal ang na stranded og temporaryong nakisilong sa nahisgutang lugar matud pa sa mga datos nga nakuha sa Department of Social Welfare and Services.
Sigon ni Archival nga posibleng sa adlawng Lunes pa sila makabalik og makabiyahe sa mga tagsa-tagsang lugar, aron sa paglikay sa mga kadaot nga dad-on ni TD Wilma.
Gipaningkamotan usab sa kagamhanan ang pagpadayung pagpanghatag og hinabang sama sa mga panginahanglanon sa mga na stranded hilabi na sa pagkaon.
Gihimug-atan usab sa Mayor nga temporary una nga ipahimutang ang mga na stranded hangtod sa sublian na ang mga biyahe sa kadagatan, dugang niini nga luwas ra hinoun ang maong apektado.
