Naigo sa dakong sunog ang usa ka tindahan ug buhatanan sa produktong “polystyrene foam” o mas naila sa pangan nga “styrofoam” sa Barangay Guizo sa dakbayan sa Mandaue ninag Miyerkules sa buntag, Disyembre 10, 2025.
Subay sa pakighinabi sa Bombo Radyo Cebu News Team kang FO2 Mark Anthony Yagonya, ang Fire Investigator sa Mandaue City Fire Station diin gikatahong unang mialarma sa ilaha ang sunog pag alas 7:10 sa buntag ingon man nga daling girespondihan kini sa mga sakop sa kabumberohan diin tungod sa kadako kay gipasaka sa ikaduhang alarma ang sunog pag alas 7:14 sa samang kabuntagon.
Milanat sa kapin tunga sa oras usa nadeklarar nga fire under control ang maong insidente diin pag-abot sa alas 8:22 sa buntag na kini na fire out.
Nasuta nga gipanag-iya sa H&E Industrial ang nasunog nga edipisyo nga baligya-anan og styrofoam diin electrical short citcuit ang hinundan sa insidente.
Gani sa pikas bahin, nasaksihan sab sa maong panghitabo ang pagluwas sa mga binuhing iro sa usa ka stay-in nga trabahante sa warehouse nga giilang si Eimeilee Maningo nga usa sab ka pag-umangkon sa tag-iya sa negosyo diin risgong miluwas siya sa mga iro nga nabidyohan pa sa mga netizen ang iyang kabayanihan.
Saysay niini nga nagpangurog pa siya atol sa pakighinabi sa Bombo Radyo Cebu News Team tungod sa kapaspas sa panghitabo diin gikan pa sa ikatulong andana siya milayat ingon man sa pag-alalay na sab sa mga sakop sa kabumberohan pinaagi sa ilang mga retractable ladder.
Gipahimangnoan sa mga kabumberohan ang publiko nga kanunay inspeksyonon ang mga linya sa kuryente ug mga appliances kay ang electrical short circuit ang labing usa sa dakong hinungdan sa sunog karong panahona.
