Padayon pa ang pagpangita sa suspek sa pagpamusil sa Brown University nga nakapatay og 2 ug nakaangol og 8.
Sumala sa inisyal nga report sa Providence Police Department, ang pagpamusil nahitabo mga alas 4 sa hapon duol sa Barus ug Holley buildings sa unibersidad, diin gikataho nga gipahigayon ang lain-laing mga eksamin sa panahon sa insidente.
Usa ka dakong manhunt ang gihimo karon alang sa suspek, kinsa wala pa mailhi ug wala pa mahibal-i kung giunsa siya nakasulod sa eskwelahan, kay sumala sa usa ka saksi, katapusang nakita siya nga nagsul-ob og itom nga sinina ug gituohan nga wala pa mobiya sa lugar diin nahitabo ang pagpamusil.
May kalabotan niini, ang tibuok kampus ubos sa hingpit nga lockdown hangtod nga madakpan ang gunman, ang mga estudyante gitambagan usab nga isira ang mga pultahan sa ilang dorm ug ang temporaryo nga paglihok sa palibot sa kampus sa nahisgutang unibersidad gidili.
Samtang, ang medikal nga atensyon padayon nga gihatag sa ubang mga biktima nga nasamdan nga nagpaayo pa sa Rhode Island Hospital.
