Nasutang nag-inusara ang suspek sa pagpangataki sa Taiwan sumala pa sa kapulisan sa maong nasud.
Ang suspetsado kay nagdaka og smoke grenade ug kutsilyo diin nangunggab kini nga mipatay og upat ka tawo lakip na ang suspek sa dihang girespondihan kini sa kapulisan.
Giila ang suspek nga si Chang Wen, 27-anyos diin namatay human natagak sa building sa dihang gigukod kini sa kapulisan niadtong Biyernes sa gabii, Disyembre 19 sa shopping district sa central Taipei.
Padayon pa ang mga imbestigador sa pagsuta sa motibo sa krimen diin sumala pa subject sa aing arrest warrant ang suspek sa gisuspetsahang evasion of compulsory military service.
Samtang, 11 ang ihap sa mga nangaangol sa pagpangataki diin duha niini gipaubos sa intensive care matod pa sa mga awtoridad.
